سندوتشات الكبدة الاسكندرانى

ملوخية خضراء بالدقة والشهقة

بس انا عاوزة من الستات كل واحدة تقول بتعملها اذاى بالضبط .................سواء كانت مجمدة او خضراء طازجة يعنى

انا مش بلاقى هنا الملوخية الخضراء كتير وساعات بحس حتى لو لقيتها بتبقى مش نفس طعم الملوخية المصرية الجميلة بتاعتنا

ولو على الكيس ال400 جم ده بتحطى اد ايه شوربة عشان ماتسقطش........وليه بتسقط اساسا

ياللا عاوزا الطرق المختلفة لعملها ذى ماعملتوا كده فى البشاميل

يكون ليكم حزيل الشكر اذا ساعدتونى......بس ماحدش يعيب عشان انا قولت مش علطول بتطلع وحشة يعنى

0

• 

1- مونتانا
2- فارم فرتس
2- لذه

لو بتحبيها تقيله تحطي مج او مج و نص شوربه
و عشان متسقطتش سيبيها تفك الاول او تحيطي الكيس في الشوربه السخنه و متولعيش عليها النار سيبها براحتها
و بعد كدا تولعي النار و تقلبي " بكابشه " من فوق لتحت
و بعدين التوم في شويه سمنه و تشششششششششششششششششششش

خلاص بالهنا و الشفا

صينية سردين بالدقة

اغسلى السردين واكشطى القشر من عليه وصفيه
ثم رشيه بالملح والبهارات والكارى واتركيه جابنا
بعدين هاتى كل سرينة وافتحيها من ضهرها بالسكين لما توصلى للبطن

هاتى التوم المفروم وضيفى له الملح والفلفل والكمون واحشى بيه السردين فى الفتحة اللى عملتيها

فى الوقت دا تكونى مسخنة الفرن وحاطة فيه صينية مدهونة زيت وتسيبها تسخن شوية

لما تخلصى الكمية اللى عندك
رصى السردين فى الصينية المدهونة بالزيت ودخليها الفرن على درجة حرارة متوسطة

حضرى بقا دقة توم بملح وفلفل وخل وليمون عشان ترشيها عليه اول ما يخرج من الفرن



اعملى معاها رز بالشعيرية وسلطة وبالهنا والشفا
جربوها ان شاء الله تعجبكم

طريقة عمل كابوريا المكس

الكابوريا بالصلصة الخاصة

المقادير:10 حبات كابوريا متوسطة
بصلة كبيرة مقطعة شرائح رفيعة

بشر وعصير ليمونة صفراء
بشر وعصير ليمونة خضراء
3 فصوص ثوم مقطعة شرائح
ملعقة صغيرة من بهارات السمك
نصف ملعقة صغيرة كمون

ملعقة صغيرة من الكرات المجفف
ملح و فلفل و جوزة الطيب

طريقة التحضير:توضع حبات الكابوريا فى قدر عميق، وتوضع معها باقى المكونات ثم توضع على النار وتغطى دون إضافة أى سوائل، لأن الكابوريا كفيل بإنزال سوائلها الخاصة.
يترك المحتوى لينضج من 12 إلى 15 دقيقة إلى أن يصبح لون الكابوريا ورديا، يرفع من على النار ويوضع فى طبق التقديم و ينثر فوقه قليل من البقدونس المفروم.
لتحضير الصلصة:
نضيف كوب من صلصة الطماطم للمكونات المتبقية فى قدر الكابوريا (البصل والثوم والتوابل) وكذلك ملعقة كبيرة من صلصة الصويا، وقرن فلفل حار مقطع بعد الغليان, ترفع الصلصة وتطحن فى مطحنة الطعام إلى أن تتحول إلى صلصة كثيفة تقدم مع الكابوريا.

طريقة جديدة لعمل الكابوريا

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

جبت الكابوريا وطبعا نضفتها كويس اوي وفصلت الايدين والرجلين منها من فوق بس طبعا ماترموهاش خلوها مع الكابوريا ليه بقا
عشان التتبيلة تدخل في طعم اللحم بتاع الكابوريا من الفراغات مكان ماشيلنا الايدين والرجلين
هنجيب حلة ونحط الكابوريا والايدين والرجلين ونقطع عليهم بصل شرايح وطماطم شرايح وفلفل رومي وفلفل حامي وثوم ونحط بقا كتير ملح وفلفل وكمون وكسبرة ناشفة وخل وزيت وليمون ونغطي الحلة ونولع عليها ع نار هاااااااادية ونسيبها كده نص ساعة تستوي

كابوريا جرتان للشيف شربينى[ندعوك للتسجيل في المنتدى أو التعريف بنفسك لمعاينة هذا الرابط] border="0" alt="" />
المقادير :-
كابوريا
جبنة موزاريلا
فلفل الوان
ملح – فلفل
اعشاب
كريمة لبانى
ثوم
بصل
كزبرة خضراء

طريقة التحضير :-
نتبل الكابوريا ملح وخل وبعدين ندخلها الفرن …. نضع الزيت على النار ونضيف له الثوم والبصل
ونقلبهم لحد لما يذبلوا وبعدين نضيف لهم لحم الكابوريا وملح وفلفل ودقيق وفلفل الوان وكزبرة
وشوية كريمة لبانى ونقلبهم شوية ….. نطلع الكابوريا من الفرن ونحشيها بالخليط السابق
ونضع عليها الجبنة وندخلها الفرن تانى وبالهنا والشفا.

الكابوريا المسلوقة




االمقادير :-

كابوريا
بصل
ملح وفلفل اسمر
وربع كوب مياة


لطريقة :-

اول حاجة نجيب الكابوريا ونظفها كويس جدا وبعد كدة نجيب اناء ونحط فيه البصل
المبشور ونحط الفلفل الاسمر والملح ونحط عليهم الكابزريا ونقلب شوية
وبعد كدة نحط ربع كوب من المياة ونقلب كويس جدا لحد متستوى وبس .

حساء الكابوريا


مقادير طريقة عمل حساء الكابوريا
كيلو كابوريا
بصلة مقطعة
5 فصوص ثوم
فلفل اسود كمون
جزر مقطع
فلفل اخضر

طريقة عمل حساء الكابوريا
تغسل الكابوريا وتوضع في حلة على النار
يضاف اليها البصلة وفصوص الثوم وافلفل والكمون ويقلبوا لمدة دقيقتين ثم يضاف الماء وتترك لتغلى
يضاف الجزر والفلفل وتتبل بالملح حسب الرغبةوتترك لتنضج

طريقة عمل جمبرى بالدقة والتوابل

المقادير:

* كيلو جمبري متوسط الحجم ومقشر
* عيدان كرفس مقطعة إلى شرائح
* فلفل أحمر طازج مقطع بالطول
* بصلة متوسطة مقطعة حلقات
* ثوم مهروس
* ملعقة كبيرة من صلصة الطماطم
* ملعقة زبدة
* زيت زيتون

طريقة التحضير:

1. يسخن الزيت في وعاء القلي، ثم تضاف الزبدة والبصل والكرفس ويقلب الجميع حتى يصفر البصل.
2. ثم يضاف الفلفل الأحمر والثوم والجمبري ويقلب الجميع حتى يتحول الجمبري إلى اللون البرتقالي.
3. ثم تضاف صلصة الطماطم مع بعض الماء والملح والفلفل ويترك لمدة ثلاث دقائق حتى يتشرب الجميع الصلصة والماء المضاف، ويقدم مع الأرز والسلطة الخضراء.

حواوشى سدق ولحمة وبسطرمة

• الكمية تكفي: 4 أشخاص
• وقت التحضير: 30 دقيقة
• وقت الطهي: 30 دقيقة
• المقادير: 1/2 3 كوب دقيق كوب لبن ملعقة صغيرة خميرة ملعقة صغيرة سكر ملعقة صغيرة ملح مقدار لحم مفروم مقدار بصل مقدار توم مقدار فلفل رومى مقدار لية ضانى مقدار طماطم مقدار بقدونس مقدار ملح فلفل مقدار بهارات لحمة
• التحضير: - خلطت كل حاجات الحشو مع بعضها
  - نبدأ بقى فى العجينة
  - نضع الخميرة والسكر على كوب اللبن وننتظر 5 دقائق
  - نخلط الدقيق والملح ثم نضع عليهم اللبن ونبدأ نعجن حوالى ربع ساعة
  - ثم نتركها تخمر ساعتين
• الطبخ: - نقسم العجينة كور
  - ثم نفردها دوائر ونضع الحشوة ونقفل
  - وندهن صينية زيت وبرده ندهن الرغيف من على الوش زيت
  - وندخلها الفرن طبعا نكون سخين قبلها وعلى نار عالية
  - وبعد ماخرج وقدمتها مع باذنجان مخلل وخس
• ملاحظات: - انا طلعت معايا سميكة شوية لو تحبيها ارفع رققى العجينة زيادة
  - وحطيه فى فوطة عشان ماينشفش
  
• الخطوة الاخيرة: اشتركي في صفحتنا على فيس بوك
  واعملي لايك في جوجل
• الموضوع كاملا: لو عايزة تشوفي الموضوع ده بالكامل و بالصور و بمشاركات العضوات اضغطي هنا:
  طريقة عمل الحواوشى الإسكندرانى في منتدى فتكات
• نبذة عن الموضوع: طريقة عمل الحواوشى الإسكندرانى من قسم مقبلات و مشهيات في موقع فتكات بواسطة العضوة أم عبدالله10، اشهى الوصفات واطيب الاكلات مع موقع فتكات! 4 من 5 بتقييم 19 عضوة

---

كشرى بحمص الشام

ريقة عمل الكشري المصري بالصور ، الكشري المصري بالصور ، خطوات تحضيرالكشري المصري








المكونات

2 كوب عدس بجبه ( يسمونه في مصر هكذا ) + 1 كوب ارز مصري + بصلة جوانح+ رشة ملح + رشة كمون + رشة فلفل اسود + ماء

صلصة الطماطم

بصلة مفرية + عصير طماطم مقشرة + ثوم مفري + مكعب مرقة دجاج + ملح + فلفل اسود+ صلصة طماطم

المكرونة


مكرونة مقصوصة صغيرة + زيت + ملح و فلفل اسود


الطريقة

1- يغسل العدس جيدا و يسلق في ماء بارد و يكون ثلاث اربع سواء و يصفي فورا بعد السلق و نتحفظ بماء السلق ( يصفي حتي لا يكمل العدس نضجه بفعل سخونة الماء )

2- نحضر قدر و نضع زيت و نضع البصل الجوانح و يحمر جيدا و عندما يكون لونه بني فاتح نزيل منه كمية حسب الرغبة لتجمل الوجه

3- باقي البصل الموجود بالقدر نضع عليه كوب واحد ماء و نضع رشة كمون ناعم و رشة فلفل اسود و رشة ملح و يترك ليغلي و يكون الماء لونه بني غامق

نضيف العدس و الارز المصري المغسول و نزيد الماء كاننا نعد ارز عادي و يترك ليغلي ( ممكن نزيد شعرية محمرة مسبقا جانباً) و نوطي عليه النار حتي تمام النضج


و بعد ما ينضج نفتح الغطاء نصف فتحه حتي يخرج الهواء


المكرونة

تسلق عادي و تصفي و تشطف بالماء و تصفي جيدا

و نحضر قدر و نضع به الزيت و ندهن جوان القدر كله بالزيت حتي لا تلتصق المكرونة

نضيف علي الزيت ملح و فلفل اسود ثم نضيف المكرونة المصفاه و تشوح قليلا فقط


الصلصة

نحضر القدر و نضع الزيت و نضع البصل المفري و تحمر

ثم نضيف الطماطم و مكعب مرقة دجاج و تترك لتتسبك ثم نضيف عليها الثوم المفري ( اي يكون نئ) و صلصة الطماطم تاخذ غلوة و تكون جاهزة


و نقدم الطبق العدس و الارز و نضيف المكرونة و نضع الصلصة و يجمل بالبصل المقلي


الدقة ( عادة في المنزل لا نعدها )

حسب الرغبة و تكون مكونة من فلفل حار مفري و ثوم مفري و ملح و خل ابيض و قليل من الماء

السردين البرميلى المملح

--------
أى كمية من السردين
ملح خشن
شطة
زيت
ليمونة
************************
الطريقة
------

بغسل السردين ويترك ليتصفى الماء منه

نرص السردين في علبة بلاسنيك ونضع عليه الملح والشطة

ثم نرص باقي السردين ونكرر وضع الملح والشطة بين كل طبقة وأخرى
وفي النهاية نعصر ليمونة ونضع قشرتها مع السردين ثم نضع قليل من الزيت

نغطي السردين بكيس نايلون تغطية محكمة

نغطي العلبة باحكام

وانا غطيت العلبة بالفويل ثم أغلقتها بالغطاء حتى اتأكد من الغلق المحكم

بعد 10 أيام فتحت العلبة

السردين استوى خلاص

ممكن نضع عليه قليل من الزيت والليمون قبل تناوله

طبعا منقوووووووووووووووووووول

 

تنظيف السمك بالمقص وتحضيرة

الكمية تكفي:
4 أشخاص
وقت التحضير:
45 دقيقة
وقت الطهي:
20 دقيقة
المقادير:
سمك
ردة
توم
فلفل اخضر
كسبرة خضرا
جزر مبشور
ليمون وخل
وكمون واى توابل
التحضير:
هنجيب سمك والردة ونجهز الخلطة اللى هنحشى بيها السمك وهى عبارة عن توم وفلفل اخضر وكسبرة خضرا وجزر مبشوروليمون وخل وملح وفلفل وكمون واى توابل انتى تحبيها وبعديين نقطع عليها طماطم قطع صغيرة

ونجيب السمك ونغسله كويس ونتبله بالملح والكمون والكسبرة الناشفة والتوم كويس وبعدين نحشيه بالحشوة دى ونسيبه يتشرب شوية طعم الحشوة والتتبيلة يعنى بتاع ساعة او اتنين
الطبخ:
بعد كدا نحط السمك فى الردة

وبعدين بقه نجيب صاج او صينية انتى مستغنية عنها ونحطها على البوتاجاز من فوق على نار عالية ونشوى عليها السمك ونختبر درجة حرارة الصاج الاول قبل ما نحط عليه السمك عن طريق رش الصاج بشوية ردة لو الردة اتحرقت بقه الصاج دلوقتى جاهز للشوي.

ونبدأ نشوى السمك من الناحيتين وهتعرفى انه استوى لما تلاقيه موش بيلزق فى الصاج لكن لو جيتى تقبيه ولقيتيها لسة لازقة يبقه سبيها شويه لغاية لما تستوى.

وطبعا هتكونى قبلها مجهزة التتبيلة اللى هتسقى فيها السمك بعد ما يطلع من الشوى واللى هى عبارة عن توم مفروم بقشره بتاع تومة كاملة كدا وكسبرة ناشفه وملح وكمون وفلفل اخضر حراق ولمون وخل كتير ومية تحطى دول كلهم على بعض زى كدا وتغليهم على النار غلوة واحدة بس وبكدا دى هتكون جاهزة لما السمك يتشوى وياريت لما تستخدميها تكون دافية متكونش باردة.

ولما السمك يتشوى تروحى مطلعاه علطول وحطاها فى التتبيلة اللى عملناها فوق دى وتسيبيه يتسقة فيها بتاع نص دقيقه كدا

وبعدين تطلعيها فى طبق

وبعدين تقدميها بالطريقة اللى انتى تحبيها

تحضير الفراخ البانية البيضة

البانية


- 1/2 كيلو ملوخية خضرا منظفة جيدا ومقطفة ومفرومة ( بالمخرطة )
- كوب ونصف مرقة لحم
- 1 مكعب مرقة دجاج
- 4 فصوص ثوم مفرومة ناعم جدا
- 1/2 ملعقة صغيرة كزبرة ناشفة
- 1/4 ملعقة شطة
- 1 ملعقة كبيرة سمن ...

الطريقة :

- تحضري الملوخية وتقطفي الورق وتغسليه عدة مرات للتخلص من التراب جيدا
- توزعي اوراق الملوخية النظيفة على ورق جرايد أو ورق يمتص البلل .. واتركيها حتى تتخلصي من الماء الزائد عليها ... ( راعي عدم تعرضها المباشر للتكييف او الهواء الساخن ... لانها ستتعرض للجفاف ولن تصلح لهذه الوصفة )
- ضعيها في صينية كبيرة تكفي الكميةوابدئي في تخريطها ( تقطيعها بالمخرطة )
- تأكدي من أنها اصبحت ناعمة وستكون لديكي مثل العجينة ( بس مش ناعمة جدا جدا ...زي الي بنشتريها مجمدة )
- اغلي الشوربة ( المرق ) وذوبي فيه مكعب المرق والشطة
- اهرسي الثوم وضعي عليه الكزبرة وضعي جزء ضئيل جدا من الخلطة على الشوربة
- ضيفي الملوخية الى الشوربة وقلبيها ... ملاحظة هااامة ( لاتتركي الملوخية تغلي ابدا ... لان ذلك سيؤدي الى انفصالها عن الشوربة )
- بعد التاكد من سخونة الملوخية تماما .. وذلك بتركها على النار ثم رفعها ثم ارجاعها مرة اخرى وهكذا

طريقة عمل التقلية .... الله على ريحتها :

- ضعي ملعقة السمن في طاسة صغيرة وضعي باقي خلطة الثوم عليها
- عندما يتحمر الثوم ويصبح لونه ذهبي .... أوعي تحرقيه ... خليكي شاطرة .. تضيفيه على الملوخية ... وياسلااام على الريحة والطشة ....

- وبعدين تقلبي كله على بعضه وبالهنااااااو الشفاااااا .....


وانا تحت امركم في الاستفسار .... اي خدمة يا حلوييييييين ....

شوى اللحمة الحمرة

طريقة عمل البامية المقمعة ياباميا ياباميا يامقمعة


250 جرام بامية
صلصه طماطم
كسبره
لحم مقطع راس عصفور
مكعب ماجي
ملعقه ملح
ربع كوب زيت
نص ملعقه فلفل اسود
نص ملعقه هيل مطحون
بصله صغيره
الطريقة:
طريقة عمل البامية بالصلصه
نقطع البصل قطع صغيره ونضيف اليه الزيت ونتركه حتى يتحمر قليلا
نضيف اليه اللحم ونضيف اليه المقدار الكافي من الماء حتى تنضج اللحمه
بعد ذلك نضيف الصلصه و الملح و الفلفل و الهيل و مكعب الماجي و نقوم بقلي الباميا ونصفيها من الزيت
نضيف الى البامية الصلصه ونتركها على النار لمده عشر دقائق
نضع البامية بالصلصه في طبق التقديم وتزين بالكسبره
تقدم البامية بالصلصه مع الارز 

سندوتشات الكبدة الاسكندرانى

السلام عليكم ورحمة الله وبركاتة

طريقة عمل الكبدة الاسكندرانى

1.  نحضر 1/2 كيلو كبدة ويفضل ان تكون كبدة فراخ لانها نظيفة واكثر امانا من المجمدة.
2.  نحضر نصف راس ثوم يفصص ويطحن مع ملعقة ملح صغيرة  مع الكمون ويتم طحنهم معا جيدا.
3. قطع صغيرة من الفلفل اخضر سواء حار او عادى حسب الرغبة .
4. 1/4 كوب صغير زيت .
5. ملعقة ملح صغيرة او حسب الرغب.         

طريقة التحضير


نقوم بوضع مقلاة على النار الهادى ونضع بها 1/4 كوب الزيت حتى يسخن
ثم نضع الكبدة وعليها خلطة الثوم المطحون والفلفل وملعقة الملح و يقلب جيدا حتى نتاكد ان خلطة الثوم بالكمون قد اختلطت سويا مع الكبدة ويجب ان نجعل النار هادئة
 ونقوم بتغطية المقلاة بواسطة غطائهاة لمدة 6 دقائق ثم يقلب مرة اخرى ثم يترك 10 دقائق ويقلب مرة ثالثة حتى نتاكد ان تسوية الكبدة تمام
بعد ذلك نتذوق الكبدة حتى اذا اردنا وضع ملح اضافى او اليمون حسب الرغبة وتقدم الكبدة اما فى اطباق او فى سندوتشات وبالهنا والشفا .
ولا ننسى شرائح الطماطم والخيار واليمون ....

كان معكم الشيف " احمد ربيع "